Inter Miami ka fituar finalen e Kupës së Ligës pasi ka mposhtur Nashvillen pas ekzekutimit të penalltive.
Koha e rregullt ka përfunduar baras 1-1, derisa penalltitë kanë qenë vendimtare për triumfin e Inter Miamit në Kupën e Ligës.
Ishte minuta e 23-të e ndeshjes, kur Lionel Messi realizoi një gol spektakolar për të kaluar skuadrën e tij në epërsi.
Este equipo 🫶🥹 pic.twitter.com/cXrFCf2fPc
— Inter Miami CF (@InterMiamiCF) August 20, 2023
Megjithatë skuadra vendase barazoi shifrat në 1-1 përmes sulmuesit Fafa Picault në minutën e 57-të.
Fundi i ndeshjes ka qenë tejet dramatik me dy skuadrat që patën mundësi të arta shënimi, megjithatë gola më nuk pati dhe fituesi u përcaktua përmes penalltive.
Janë ekzekutuar plot 22 penallti, ku në fund Inter Miami fitoi me shifrat 9-10, pasi Leal dhe portieri Panicco humbën për vendasit.
Për Inter Miamin ky është trofeu i parë në histori të klubit i cili është formuar në vitin 2018.
