Llapi i Podujevës është përforcuar me futbollistin nga Azerbajxhani, Araz Abdullayev.
Abdullayev është sulmues anësor dhe që e bën edhe më të fortë skuadrën që drejtohet nga Tahir Batatina.
“Sulmuesi anësor, Araz Abdullayev, i lindur më 18.04.1992 në Baku, ish-reprezentues i Kombëtares së Azerbejxhanit ka nënshkruar me Llapin.
31-vjeçari ka djersitur fanellën e Kombëtares së Azerbejxhanit në 44 ndeshje.
Klubet për të cilat është paraqitur Araz janë klube të njohura për publikun dhe futbolldashësit tanë.
Neftchi Baku - 168 ndeshje, 29 gola e 2 asistime.
Qarabağ - 50 ndeshje, 4 gola e 2 asistime.
Anorthosis Famagusta - 29 ndeshje, 3 gola e 3 asistime.
Boluspor - 26 ndeshje, 2 gola e 4 asistim”, njofton KF Llapi.
Futbollisti me sukses ka kaluar testet mjekësore dhe mezi pret që të paraqitet në petkun e skuadrës llapjane.
“Mëngjesin e sotëm, sulmuesi më i ri i klubit tonë ka kaluar me sukses ekzaminimet mjekësore dhe pas prezantimit të tij me fanellën e klubit tonë i është bashkuar ekipit në stërvitje.
Mirëpresim transferimin e Araz në klubin tonë duke shpresuar që përvoja dhe kualiteti i tij do t'i ndihmoj edhe më tepër fazës ofanzive në ndeshjet në vijim”, - njofton KF Llapi.
