Sulmuesi amerikan kërkohet në Ligue 1!
Që prej fillimit të merkatos, “gjigandët” e Milanos, Inter e Milan u vunë në ndjekej të “bomberit” të Arsenal, Folarin Balogun, mirëpo duket se Italia është shumë larg të ardhmes së 22-vjeçarit amerikan.
Sipas raportimeve më të fundit të mediave, Balogun është shumë pranë rikthimit në Ligue 1, aty ku e kërkojnë “gjigandët” e Monaco, të cilët aludohet se kanë arritur një marrëveshje personale me vetë lojtarin dhe tashmë do të nisin negociatat me “topçinjtë”.
Për kartonin e 22-vjeçarit, bordi i Arsenal nuk pranon më pak se 60 milionë euro dhe tashmë na mbetet veçse të presim e të shohim se çfarë ofertë do të bëjnë francezët për të siguruar shërbimet e amerikanit.
