Fabrizio Romano ka zgjedhur pesë transferimet e tij më të mira të verës dhe ka përfshirë disa emra të mëdhenj.
Gazetari italian tani ka dhënë një pasqyrë se cilat transferime ai i konsideron si më të mirët këtë verë
. Duke folur për “888 Sport”, këtu janë pesë më të mirat e tij.
Në krye të listës së Romanos është lojtari anglez Jude Bellingham, të cilin Real Madrid e nënshkroi për 103 milion euro këtë verë pas një sage të gjatë transferimi. Romano madje e quajti marrëveshjen një “kryevepër” për shkak të konkurrencës së fortë për nënshkrimin e tij.
Në vend të dytë ishte kalimi i Ilkay Gundogan te Barcelona, i cili iu bashkua gjigantëve të La Ligës si transferim i lirë nga Manchester City pas skadimit të kontratës së tij
Më pas është Declan Rice, i cili iu bashkua Arsenalit për një transferim rekord britanik prej 105 milion euro nga West Ham, me Romano që paralajmëroi tifozët që të jenë të durueshëm me 24-vjeçarin.
Lëvizja e Dominik Szoboszlai te Liverpool zë vendin e katërt në listë, me austriakun që iu bashkua skuadrës së Jurgen Klopp për 60 milionë paund.
Më në fund, dhe ndoshta çuditërisht, transferimi i Tijani Rejinders në Milan u rendit në top 5, me gjigantët italianë që shpenzuan pak më shumë se 20 milionë euro për ta nënshkruar atë nga PSV.
Romano u shpreh për mesfushorin, duke thënë: “Cilësi e çmendur, lojtar i zgjuar, zëvendësimi i Tonalit ishte i vështirë, por Milani bëri një punë të shkëlqyer. Me punë të palodhur dhe përvojë në Itali, Reijnders mund të bëhet një lojtar i mirë në vitet e ardhshme”.
