Guardiola rikthehet në stol pas operacionit: Tani nis sezoni i vërtetë për Sitin
Trajneri i Mançester Sitit, Pep Guardiola, do të rikthehet në stolin e skuadrës pas mungesës në dy ndeshje.
Përpara transfertës së sotme me Uest Hemin, katalanasi ishte i pranishëm në konferencën për shtyp, ndërsa ai tregoi edhe gjendjen e tij shëndetësore pas operacionit në shpinë që kreu në Barcelonë: “Po përmirësohem. Doktori bëri një punë të mirë dhe çdo javë do të jetë më mirë. Ishte e çuditshme [të mos isha në stol], por ishte në rregull”.
Kampionët e tij janë e vetmja skuadër që kanë pikë të plota pas 4 ndeshjesh në Premier Ligë, por Guardiola komentoi kalendarin e ngjeshur që i pret dhe ka paralajmëruar se tani nis sezoni i vërtetë.
“Kalendari nuk ndikon në përzgjedhjen e skuadrës kundër Uest Hemit. Sezoni gjithmonë fillon pikërisht tani, pas pushimit të parë ndërkombëtar, kur merkato është mbyllur: fëmijët janë kthyer në shkollë dhe prindërit mund të futen në rutinën e tyre. Ne kemi Ligën e Kampioneve, Kupën Karabao dhe natyrisht, Premier Ligën”.
Kovaçiç, Stons dhe Grilish janë mungesat që ai konfirmoi dje, ndërsa për blerjen e re, Mateus Nunjez, ai nënvizoi: “Ai mund të luajë mesfushor defensiv ose sulmues, madje edhe mbrojtës krahu.
Ai duhet të përmirësohet me prekjen e parë të topit, nuk është ende mjaftueshëm e mirë. Energjia e tij është e mirë dhe ai ka luajtur ndeshjet e fundit me Uolvesin si sulmues krah. Ai ka kaq shumë cilësi. Mund të driblojë mirë dhe me kohën do të mësojë sesi të jetë më i saktë me prekjen e parë. Do ta mësojë,
