Sulmuesi portugez Joao Felix duket se tashmë e ka rigjetur formën e mirë te Barcelona.
Pas periudhës aspak të mirë tek Atletico Madrid, portugezi po kalon ditët e mira tek katalonasit.
Portugezi gjatë kësaj verë iu bashkua skuadrës së Xavi Hernandez në formë huazimi nga Atletico Madrid.
Felix mbrëmë shënoi dy gola në fitoren e Barcelonës (5-0), kundër Antwerp në kuadër të xhiros së parë të fazës së grupeve në Ligën e Kampionëve.
Asi portugez thotë se është i lumtur tek ‘Blaugranat’.
Sipas Felix, Barcelona është klub i madh.
“Jam i lumtur, mjedisi i ekipit është fantastik. Barcelona është një klub i madh.
Mënyra e lojës është e thjeshtë, me një ose dy prekje”, ka thënë Felix.
“Ndonjëherë ajo që duket e thjeshtë është në fakt gjëja më e ndërlikuar. Këtu të gjithë lojtarët luajnë me një ose dy prekje”, ka theksuar reprezentuesi i Portugalisë.
