Pas eksperiencës së shkurtër në Turqi te Galatasaray, Nicolo Zaniolo iu bashkua këtë verë Aston Villas në Premier League. Italiani ka nisur të fitojë gjithnjë e më shumë minuta në skuadrën e trajnerit Unai Emery ndërsa së fundmi shprehet me siguri se për kualitetet e tij, futbolli anglez i përshtatet më shumë se ai italian ku mendohet më shumë për aspektin difensiv.
“Ishte një verë pak e çuditshme për mua, sepse fillimisht te Galatasaray më lajmëruan se isha pjesë e projektit dhe se do të luaja në Champions League. Por, më pas ishte Monchi që më telefonoi dhe më foli për mundësinë e kalimit te Aston Villa.
Nuk e mendova dy herë sepse e konsideroj si një mundësi të madhe të luajturit në Premier League.
Edhe te Galatasaray e kuptuan që Aston Villa ishte një shans për mua dhe kështu u transferova në Angli.
Këtu mund të them me siguri se infrastruktura është më e zhvilluar se në Itali dhe është një tjetër futboll.
Në Itali ka më shumë taktikë, studim të kundërshtarit ndërsa në Angli luhet një futboll më dinamik.
Për karakteristikat e mia mendoj se futbolli anglez më përshtatet më shumë se ai italian.
Sapo mbërrita këtu e kuptova menjëherë rëndësinë dhe historinë e një klubi si Premier League dhe ula kokën për të punuar”, u shpreh Zaniolo.
