Napoli luan në transfertë ndaj Veronës teksa ultrasit e të kaltërve kanë shkaktuar trazira në afërsi të stadiumit Bentegodi pasi janë përleshur me forcat e policisë.
Tifozët e Napolit hodhën tymuese dhe flakadanë në drejtim të policisë me këtë të fundit që iu përgjigjën menjëherë duke arrestuar disa prej ultrasve.
Helikopterët shoqëruan nga lart veprimet e ultrasve duke identifikuar disa prej tyre dhe pritet që në vijim të ketë sërish arrestime.
Aktualisht, situata është vendosur nën kontroll nga ana e forcave të rendit teksa në një komunikatë të policisë theksohej se ultrasit e Napolit kishin udhëtuar në Verona me idenë për t’u konfrontuar fizikisht me ultrasit e Hellas Verona.
Pas qetësimit dhe vendosjes së rendit, pritet që ndeshja të nisë rregullisht ashtu siç ishte parashikuar, në orën 15:00.
