Muja nuk bën dot shumë, Porto thyen Antwerp e siguron për vendin e dytë
Marshimi i Barcelonës në Champions League vazhdon, duke mposhtur 2-1 Shakhtar Donetsk dhe duke bërë tre në tre në grupin H. Fermin Lopez bën fenomenin për të besuarit e Xavi, duke favorizuar avantazhin në minutën e 28′ kur goditi shtyllën.
Pastaj topine rikthyer Ferran Torres nuk mund ta gabonte. Arbitri fillimisht e anuloi për pozicion jashtë loje, por VAR me të drejtë vlerësoi golin.
Blaugranat ishin në kontroll total dhe dyfishuan epërsinë e tyre pas vetëm tetë minutash, falë Fermin Lopez. Goditja e talentit katalanas nuk i la asnjë shans portierit Riznyk. Në pjesën e dytë, në minutën e 62′ Shakhtar ngushtoi diferencën me Sudakov, i cili në kundërsulm ndëshkoi Ter Stegen me golin e parë në këtë edicion të Champions League.
Xavi mund të buzëqeshë për një sukses që vlen vendin e parë me nëntë pike, me atë që mund të quhet fare mirë Barcelona e të rinjve me dy lojtarë të vitit 2003 (Casado dhe Balde), një 2006 (Guiu) dhe një 2007, Lamine Yamal. Fitores së Barcelonës iu përgjigj Porto, që përmbysi Antwerp 4-1 në Bosuil, me Mujën që luajti për 77 minuta, por pa bërë dot shumë. Belgët kaluan në avantazh në minutën e 37′ me golin e Yusuf Alhassan.
Ndeshja ndryshoi në shtesën e pjesës së pare, kur Conçeicao humbi Wendell të dëmtuar dhe hodhi në fushë Evanilson. Ishte lëvizja vendimtare, sepse nga ky moment Porto dominoi.
Braziliani barazoi në aksionin e parë të pjesës së dytë, më pas në minutën e 54′ Eustaquio përmbysi rezultatin, 2-1. Shfaqja e Evanilson vazhdoi me një prekje nga brenda zonës për dygolshin e tij personal. Braziliani fiksoi edhe trigolëshin në minutën e 84′, pa i lënë asnjë shans Butez. Porto fitoi 4-1, duke siguruar vendin e dytë me gjashtë pikë, 3 pas Barçës kryesuese, ndërsa Shakhtar me 3, mban prapa Antwerp me zero pikë.
