Rikthehet Kampionati Kombëtar i Futsallës, i organizuar nga Federata Shqiptare e Futbollit. Ky kampionat do të ngrejë siparin e sezonit të ri më datë 2 dhjetor.
Departamenti i Futbollit Amator në FSHF, bën me dije se regjistrimet për ekipet dhe lojtarët janë hapur.
Në vitet e fundit kampionati i futsallës është bërë shumë popullor në vendin tonë.
Pas një ndalese për shkak të pandemisë, FSHF e riktheu sërish kampionatin kombëtar të futsallës, që u zhvillua me vetëm 4 ekipe pjesëmarrëse.
Falë suksesit të arritur, kampionati i futsallës në sezonin e fundit erdhi më i strukturuar dhe ekipet pjesëmarrëse u dyfishuan.
Edhe në sezonin e ri pritet që numri i ekipeve dhe lojtarëve të rritet, duke e bërë akoma më konkurrues dhe të bukur këtë kampionat.