Garet Sauthgejt është gati t’i shërbejë Anglisë edhe për disa vite të tjerë. 53-vjeçari mësohet të ketë rënë dakord me krerët e Federatës të Futbollit për rinovimin e kontratës aktuale, e cila mbaron në dhejtor të vitit që vjen.
Ka qenë vetë Sauthgejt, ai që ka treguar arsyet përse bashkëpunimi i tij me Federatën e Futbollit nuk mbaron pas “Gjermanai 2024”, por në muajin dhjetor.
“Ideja ka qenë e shefit teknik Xhon MekDermont dhe shefi të ekzekutivit Mark Ballingam.
Të dy menduan se ndërpreja e kontratës pas një kompeticioni të madh nuk është një ide, menduan të përfundonin marrëveshjen pas disa muajsh në mënyrë që të dy palët do të mund të reflektonin dhe të gjenin një ujdi të re”, tha Sauthgejt.
Sipas tabloidëve britanik, Saouthgejt përfiton rreth 3 milionë euro në vit ndërsa me kontratën e re parashikohet që të qëndrojë edhe në Botërorin e 2026-ës duke u bërë kështu njëri prej komisarëve teknikë më jetëgjatë të “Tre luanëve”.
Në ditët e fundit Federatës të Futbollit i është dashur që të merret edhe me një tjetër çështje. Lojtari i Çelsit, Ris Xhejms ka refuzuar të jetë pjesë e Anglisë për takimet e radhës përballë Maltës dhe Maqedonisë së Veriut, ndërsa Sauthgejt e ka paralajmëruar se vendi i tij nuk është më i sigurt për Europianin e 2024-ës.
