Ish selektori i Shqipërisë lë në mes konferencën për shtyp pas përplasjes me gazetarët!
Aventura e Gianni de Biasit në pankinën e Azerbajxhanit mund të ketë marrë fund me ndeshjen e sotme të humbur me shifrat 5:0 përballë Suedisë.
Edhe pse skuadra azere mori 7 pikë në grupin e saj kualifikues, De Biasi është kritikuar vazhdimisht nga mediat azere dhe kjo ka sjellë përplasje me ta.
Në konferencën e sotme për shtyp pas humbjes në Bruksel, trajneri italian nuk ka duruar më dhe ka lënë në mes konferencën për shtyp, duke mos iu përgjigjur shumë pyetjeve të gazetarëve, siç raportojnë mediat azere.
“Kjo është hera e parë në karrierën time që has në një situatë të tillë.
Nuk është faji im.
Unë punoj këtu dhe duhet t’ju takoj. Ju nuk doni të shihni zhvillimin tonë.
Kemi bërë shumë punë. Po ndryshojmë mentalitetin”, ishin fjalët e De Biasit para se të largohej nga salla e konferencave në fund të ndeshjes.
