Kalendari nuk ju jep hapësirë për frymëmarrje, lojtarët luajnë shumë dhe dëmtohen me frekuencë në rritje. Dhe nëse ndalen me kombëtaren, – nënvizon Corriere della Sera, – nis sërish polemika me klubet: kush i paguan rrogat?
Për t’i qetësuar ata, FIFA prezantoi në vitin 2012 një fond, Programin e Mbrojtjes së Klubeve, me të cilin do të kompensonte presidentët e tërbuar. Por, për shumë, kjo ende nuk është e mjaftueshme.
Të dielën, Gavi, talenti i Barcelonës dhe shtylla e Spanjës, pësoi një dëmtim të rëndë në gju kundër Gjeorgjisë: sezoni përfundoi, lamtumirë Kampionatit Europian dhe Olimpiadës.
Zemërimi po shtohet në Spanjë, por Barça do të mbledhë rreth 4.3 milionë euro – dhe do të jetë në gjendje të përdorë 7 të tjera për të nënshkruar një zëvendësues, një rregull i La Liga-s që lejon që 80 për qind e pagës së lojtarit të dëmtuar të investohet në merkato – si kompensim nga FIFA.
Një ngushëllim i vogël, i mundshëm falë programit që hyn në veprim nëse lojtarët pësojnë një dëmtim në ekipin kombëtar që kërkon një ndërprerje prej më shumë se 28 ditësh, si dhe përfshin stërvitjet, udhëtimet dhe transfertar.
Kapaciteti vjetor prej 80 milionë euro, rimbursimet variojnë në varësi të kohëzgjatjes së rikuperimit dhe angazhimit: deri në 7.5 milionë euro për lojtar, e llogaritur në bazë të një kësti ditor kompensimi deri në 20,548 euro, që paguhet për maksimum 365 ditë.
