Mehdi Taremi ishte një nga objektivat e Milanit për përforcimin e sulmit.
Por, kuqezinjtë nuk arritën marrëveshjen me Porton në verë. Dhe në fund morën Luka Jovic në huazim nga Fiorentina.
31-vjeçari iranian, autor i 39 golave me skuadrën kombëtare, ndodhet në vitin e fundit të kontratës me “Dragonjtë e Oportos”.
Dëshira e tij ishte kalimi në San Siro, por dy klubet nuk arritën të gjenin gjuhën e përbashkët gjatë muajit gusht.
Diçka për të cilën presidenti i portugezëve të Portos, Pinto Da Costa, fajëson drejtuesit e Milanit.
Kosova e mbylli në vendin e parafundit, federata shkarkon trajnerin Glihan
“Për Taremin, Milani ka paraqitur vetëm oferta që mund t’i cilësojmë si qesharake. Për të cilat as nuk ia vlente të diskutonim fare!
Asnjë nga propozimet e tyre nuk i afrohej vlerës së klauzolës së lojtarit.
Duhet të jemi realistë. Taremi ka marrë oferta që nuk i ka pranuar deri tani, dhe flas për oferta që do i mundësonin të fitonte 10 mln euro në sezon.
Më jepni 10 mln euro, paguani edhe 10 të tjera për taksat dhe unë i rinovoj kontratën”, theksoi kreu i Portos në lidhje me goleadorin, situatën e të cilit po e monitoron edhe Interi.
