“Duhet të jemi realistë. Taremi ka oferta që nuk i ka pranuar ende, për të fituar 10 milionë në vit. Zotërinj, më jepni 10 milionë për Taremin dhe 10 milionë të tjera për taksat dhe do t’ia rinovoj kontratën”.
Kështu ka thënë presidenti i Portos, Pinto da Costa, i cili iu përgjigj pyetjeve për sulmuesin iranian. “Po, Milani u përpoq në verë me propozime qesharake, për të cilat as që ia vlente të flitej. Ata nuk ishin fare afër vlerës së klauzolës”.
Klauzola ishte vendosur në 30 milionë euro, por propozimet e kuqezinjve, gjithashtu për shkak të një skadimi relativisht të ngushtë kontraktual, ishin rreth 10 milionë më pak. Në çdo rast jo shumë pak për një lojtar mbi të tridhjetat.
Duhet thënë gjithashtu se këtë sezon ai ka shënuar vetëm dy gola në kampionatin portugez, një në Champions. Probleme pas “turbullirave” të merkatos së kësaj vere? Është e mundur. Fakti është se përveç Milanit, tani në lojë për shërbimet e tij ka hyrë edhe Interi. Nëse Arnautovic nuk jep përgjigjet e nevojshme, atëherë mund të jetë i nevojshëm edhe një investim, me idenë e Taremit si zgjedhje të mundshme.
Situata aktuale është se Taremit i ka skaduar kontrata dhe ka oferta nga Arabia Saudite, por deri më tani i ka thënë thjesht “jo” rinovimit me Porto, sepse dëshiron të luajë në një ligë të nivelit më të lartë, si ajo italiane.
Interi është gati të vendosë nga 3 deri në 3.5 milionë në tavolinë si pagë për lojtarin iranian, sezonin e ardhshëm, por njëkohësisht po vigjëlon se çfarë dëshiron të bëjë Milani. Dhe Taremi, pikërisht.
