Tri alternativa për pasuesin e Grossos, Lyoni preferon një kroat
Lyoni vendosi të shkarkojë Fabio Grosson nga pankina pas rezultateve mjaft zhgënjyese, teksa fatale për teknikun italian ishte disfata e fundjavës ndaj Lille në shtëpi.
Klubi i njohur francez ka nisur ankandin për të gjetur pasuesin e Grossos, teksa momentalisht mediat kanë renditur tre emra si më të preferuar nga ana e drejtuesve.
Bruno Genesio, Igor Tudor dhe Jorge Sampaoli janë trajnerët që po negociojnë me drejtuesit e Lyonit, të cilët në të vërtetë preferojnë më së shumti kroatin që sezonin e kaluar bëri shumë mirë te Marseille.
Megjithatë vetë Tudor shpreson të rikthehet në Serinë A dhe është ende i dyzuar për të pranuar apo jo ofertën, duke qenë se po monitorohet edhe nga Napoli e Juventus në Itali.
