Juventusi ka marrë një fitore shumë të rëndësishme me rezultat 1-0 në derbi ndaj Napolit në sfidën e zhvilluar të premten mbrëma në Allianz Stadium.
Zonja e Vjetër ka triumfuar falë një goli nga mbrojtësi Federico Gatti, derisa Napoli përkundër lojës së mirë nuk arriti të marrë pikë.
Trajneri i Napolit, Walter Mazzarri, edhe pse humbi ndeshjen e tretë radhazi, u shpreh i bindur se ekipi ishte në rrugën e duhur.
“Ato që e njohin futbollin e dinë që ka momente, është e vështirë të japësh shpjegime pas një ndeshjeje të tillë. Djemtë dominuan, ata e detyruan Juventusin të mbyllej në gjysmën e vet të fushës për pothuajse të gjithë pjesën e dytë”.
“Thjesht bëmë gabim që nuk shkuam në trajektore te goli dhe humbëm njeriun në zonë. Nuk mendoj se një skuadër tjetër mund të bëjë pak më shumë se Napoli. Këto janë momente, mendoj se duke luajtur kështu do të arrijmë të arrijmë të bëjmë një seri rezultatesh”.
“Kam ardhur së fundmi, nuk ka kuptim të flas për atë që ka ndodhur më parë: nëse gjithçka do të shkonte mirë, nuk do të më telefononin. Kishte disa probleme. Që kur erdha kam parë një ekip që ka luajtur gjithmonë më mirë se të tjerët”.
“Rasti i Kvaras është i bujshëm, nëse nuk arritëm të shënonim atje kuptohet gjithçka. Ka momente dhe momente, besoj se nëse vazhdojmë në këtë rrugë, me lojtarët e rëndësishëm që gjejnë një formë më të mirë, komponentët për fitore do të kthehen të gjithë”, deklaroi Maxarri pas ndeshjes.
