Lionel Messi, Cristiano Ronaldo dhe Robert Lewandowski janë treshja e lojtarëve që kanë shënuar më shumë gola në fazën e grupeve të Ligës së Kampionëve.
Argjentinasi i shikon të gjithë me “përbuzje” me 80 golat e tij, i ndjekur nga portugezi me 73 gola, ndërsa polaku është më mbrapa me 62 gola.
Megjithatë, CR7 mund të ngushëllohet me rekordin e golave të shënuar në një fazë të grupeve të Ligës së Kampionëve, duke pasur parasysh se në sezonin 2015-2016, me fanellën e Real Madridit, ka shënuar 11 herë në 6 ndeshjet e luajtura.
Rekorde të destinuara të zgjasin përgjithmonë, duke pasur parasysh se nga sezoni i ardhshëm kompeticioni më i mirë kontinental për klubet do të ndryshojë formulën e tij, duke u strukturuar në një grup të vetëm prej 36 skuadrash, në të cilin secili ekip do të përballet me tetë ekipe të ndryshme, katër ndeshje në shtëpi dhe katër ndeshje jashtë, për të përftuar më pas renditjen përfundimtare dhe hyrjen në fazën e eliminimit direkt
