Te Juventusi, pozicioni i Adrien Rabiot qëndron gjithmonë në qendër të vëmendjes, pasi në verë, disi çuditërisht, francezi kishte rinovuar kontratën e tij të skaduar si për arsye ekonomike (7 milionë euro në vit), ashtu edhe për arsye përkatësie, duke qenë se më pas u bë zv.kapiten.
Tani, megjithatë, është koha për një rinovim tjetër, siç raportohet nga “Il Corriere di Torino”.
Për Juventusin, vazhdimi i mëtejshëm i kontratës me francezin është prioritet, por nëna-agjente e tij, Veronique Rabiot, i ka mohuar zërat për një marrëveshje të afërt dhe vazhdon të marrë kohë, sepse dëshiron të kuptojë se cilat do të jenë projektet dhe ambiciet e klubit bardhezi.
Ndërkohë, ka klube të mundshme të interesuara për djalin e saj, me Barcelonën në kërkim të një zëvendësuesi për Gavi. Siç shkruajnë në Spanjë, katalanasit janë të interesuar për Rabiot. Në janar, megjithatë, klubi torinez nuk do ta lërë të largohet, pavarësisht se kontrata e lojtarit skadon verën e ardhshme.
Drejtuesit e Juventusit në fakt po punojnë për një “shartim” në mesfushë me emrat e Hojbjerg nga Tottenham dhe Phillips nga Manchester City, të monitoruar nga disa klube angleze, të cilët prej kohësh janë në krye të listës së preferencave. Edhe Zielinski shihet si opsion për sezonin e ardhshëm.
