Ndodhi pak kohë më parë, nuk ka kaluar asnjë përjetësi që kur Sergio Rico po luftonte mes jetës dhe vdekjes. Ish-portieri i Sevilla pati një aksident gjatë kalërimit (u rrëzua nag shala dhe kali e shkeli në kokë), pak pasi fitoi Ligue 1 me PSG.
Pas disa javësh në koma të induktuar nga mjekët, portieri filloi të rifitonte vetëdijen.
Pak nga pak, miqtë dhe familjarët komentuan në derën e spitalit “Virgen del Rocío” se portieri spanjoll, i lindur në Montequinto, po shfaqte shenja përmirësimi, gjë që i bëri të mendonin se rikuperimi ishte gjithnjë e më afër.
Më pas Rico, siç dihet, u largua nga spitali dhe më 5 janar do të jetë protagonist i një specialeje të DAZN. Pamja paraprake e shfaqur në platformën dixhitale është e shkurtër, por premton të jetë një udhëtim sfidues përmes përvojës së portierit gjatë vitit 2023.
Në këtë speciale do të mund të shihni sesi e komenton Rico me gazetarin Pablo Pinto një ëndërr që kishte parë kur ishte në koma: “Më kujtohet vetëm një ëndërr, ishin dy rrugë, unë shkova në një drejtim dhe në tjetrin pashë babain. E thirra ‘babi, babi’, por ai nuk m’u përgjigj. Kam folur për këtë me miqtë që kanë studiuar psikologji dhe më shpjeguan se nuk ishte ende koha ime për t’iu bashkuar babait në botën e përtejme”.
Duhet të kujtojmë se babai i portierit vdiq para se të ndodhte aksidenti i tij me kalë, që për pak i mori jetën. Megjithatë, ka shumë detaje në këtë dokumentar.
Duke buzëqeshur, Rico kujton: “Takova kokë më kokë Sergio Ramos dhe fillova t’i them se po atë mëngjes kisha qenë në supermarket, kisha takuar prindërit e tij. Sergio më ndoqi, por mendoi:
Çfarë thotë ky njeri! Kështu i thashë: Epo, ndoshta jo, mos i kushto shumë rëndësi. Ai nuk më tha kurrë: Sergio, por je në spital".
