Ashtu siç pritej ka mbërritur përgjigja e Victor Osimhen ndaj agjentit të Khvicha Kvaratskhelia, Mamuka Jugeli, i cili të martën foli për të ardhmen e nigerianit, duke thënë se me siguri do të largohet nga Napoli në verë. Dhe ishte një përgjigje e zemëruar e Osimhen.
Një tjetër problem për Napolin. “I dashur Mamuka Lugeli, – ka shkruar Osimhen në profilin e tij në Instagram, – je një pisllëk dhe turp. Më vjen turp nga mënyra jote e të menduarit, idiot! Mbaje emrin tim larg nga goja jote!”
Jugeli sheh një të ardhme të ndritur për Kvaratskhelia, i destinuar së shpejti t’i dorëzohet një emri të madh të futbollit evropian:
“Ata që njohin futbollin do të pajtohen me mua se Kvaratskhelia nuk ka limite dhe mund të përmirësohet. Kam pasur kontakte me shumë klube, por a do ta lërë De Laurentiis të largohet? Për momentin ka një kontratë me klubin”.
Sulmuesi gjeorgjian, i cili ka kontratë deri në vitin 2027 me Napolin, nuk po kalon një sezon të shkëlqyer si pjesa tjetër e skuadrës, por agjenti nuk ka dyshime për cilësitë e klientit të tij.
“Barcelona, Real Madridi apo Bayerni? Natyrisht, pas një sezoni fitues mund të ketë interes nga Barcelona, Real Madridi, Manchesteri. Gjithçka do të ndodhë në kohën e duhur”.
