I intervistuar nga disa fëmijë tifozë të Atletico Madridit për një transmetim special në beIN Sports, Antoine Griezmann nuk zbuloi se cila do të jetë ngjyra e tij e ardhshme e flokëve, por zbuloi kriteret në bazë të të cilave ai e zgjedh atë.
Sulmuesi, kampion bote me Francën, së fundmi ka hyrë në historinë e klubit spanjoll duke u bërë golashënuesi më i mirë i Colchoneros, duke shënuar golin e 174-të në 368 ndeshje në Superkupën e Spanjës, por përveç magjisë së tij në fushë, ai ka spikatur gjithmonë për pamjen e tij.
Që nga debutimi i tij me fanellën e Real Sociedad, ai ka eksploruar pothuajse të gjitha terrenet kur bëhet fjalë për flokët: të shkurtër, kaçurrelë, të gjatë, të rruar anash. Të lyer me çdo lloj ngjyre.
Flokët e oksigjenuara të Griezmann-it nuk kanë kaluar kurrë pa u vënë re në fushat e La Liga-s dhe të qeshurat me të cilat trajneri Didier Deschamps e mirëpriti futjen e tij në fushën Château de Clairefontaine me flokë rozë neoni është e famshme.
Pyetja e gazetarëve të rinj kështu lindi spontanisht: “Cila do të jetë ngjyra juaj e ardhshme e flokëve dhe si e zgjidhni atë?”.
Griezmann u përgjigj: “Fëmijët e mi votojnë dhe fiton ngjyra më e votuar. Unë kam tre fëmijë dhe kur dua të ndryshoj ngjyrën e flokëve, ne votojmë.
“Ata fillojnë të zgjedhin, të thonë ngjyrat: rozë, blu, jeshile, çdo ngjyrë. Ne votojmë dhe ngjyra më e votuar fiton. Tani po pres momentin më të mirë për ta bërë sërish”.
