Sulmuesi kuqezi, i cili nuk u përfshi në skuadër për ndeshjen me Galatasaray dhe Fenerbahçe, do të jetë i pranishëm në ndeshjen e radhës
Sokol Cikalleshi, i cili nuk u përfshi në skuadrën e Konyasporit për ndeshjet me Galatasaray dhe Fenerbahçe, kërkoi falje dhe u fal. Të paktën kështu kanë konfirmuar mediat turke.
Pas kësaj situate, drejtuesit e kanë përfshirë lojtarin në skuadër për ndeshjen me Istanbulspor.
Sulmuesi 33-vjeçar, i cili paralajmëroi Konyaspor një ditë më parë për shkak të disa pagesave të padhëna, nuk u përfshi në skuadër për ndeshjen me Galatasaray dhe Fenerbahçe.
Sulmuesi me eksperiencë u stërvit me skuadrën, por nuk mundi të luante në asnjërën ndeshje pasi u paralajmërua.
Cikalleshi, i cili më pas zhvilloi konsultime, tërhoqi paralajmërimin dhe kërkoi falje drejtuesve dhe u përfshi në skuadrën për ndeshjen e radhës.
Nga ana tjetër, u raportua se portieri Paul Bernardoni, i cili paralajmëroi klubin ashtu si Cikalleshi, nuk u tërhoq dhe se drejtuesit do të kenë një takim të detajuar me lojtarin.
