Bajern Munihu ka marrë një tjetër lajm të keq sa i përket repartit të mbrojtjes, pasi kanë mbetur pa një futbollist shumë të rëndësishëm.
Mbrojtësi holandez Matijs de Ligt ka pësuar një lëndim gjatë kampit stërvitor që bavarezët po e mbajnë në Portugali gjatë këtyre ditëve. Ka qenë faqja zyrtare e Bayernit që ka konfirmuar lëndimit e holandezit në gjurin e majtë.
“Matijs de Ligt ka pësuar një dëmtim kapsulë në gjurin e majtë gjatë kampit stërvitor në Faro të Portugalisë. Diagnoza u konfirmua nga departamenti mjekësor i FC Bajernit pas një skanimi MRI atje.
Prandaj, mbrojtësi nuk do të jetë në gjendje të stërvitet për momentin”, thuhet në njoftimin zyrtar të Bajern Munihut,
Edhe pse Bajerni nuk e ka specifikuar se sa do të mbetet jashtë lojtari, besohet se ai do t’i humbas rreth pesë ndeshje. Rikthimi i De Ligt pritet të ndodhë në mes të muajit shkurt, në fakt në fazën vendimtare të Bajernit atëherë kur rikthehen edhe ndeshjet e Ligës së Kampionëve.
