Barcelona po kalon një moment shumë delikat. Humbja kundër Real Madrid në finalen e Superkupës së Spanjës, të zhvilluar në Riyadh ishte një goditje shumë e rëndë për katalanasit.
Mbi të gjitha, situata duket më e vështirë për trajnerin Xavi Hernandez, i cili është më i kritikuari nga shtypi spanjoll.
Për këtë arsye, sipas raportimeve nga Spanja klubi ka dashur menjëherë të përçojë besimin maksimal te skuadra dhe stafi teknik.
Presidenti i Barçës, Joan Laporta shkoi në qendrën stërvitore, ku ka inkurajuar lojtarët si dhe i ka dhënë siguri trajnerit, në mënyrë që palët në fjalë të vazhdojnë të qetë punën e tyre.
