Sot (e enjte) në orën 18:00 në Paris do të hidhet shorti i Ligës së Kombeve për sezonin 2024/2025.
Në kuadër të kongresit në Paris, UEFA organizon shortin për Ligën e Kombeve, i cili nis në shtator, me ndryshime të mëdha krahasuar me edicionet e mëparshme.
Vazot e Ligave tashmë dihen dhe pritet që të ketë shumë grupe të forta, me kundërshtar të papërshtatshëm për njëri-tjetrin.
Kombëtarja e Kosovës gjendet në grupin e dytë të Ligës C, së bashku me Azerbajxhanin, Bullgarinë dhe Ishujt Faroe.
Në grupet tjera të kësaj lige janë edhe Rumania, Suedia, Armenia, Luksemburgu, Maqedonia e Veriut, Sllovakia, Irlanda e Veriut, Qipro, Bjellorusia, Estonia, Letonia dhe njëra mes Lituanisë dhe Gjibraltarit.
Në Ligat tjera tashmë dihet se në Ligën A janë kombëtaret kryesore evropiane si Spanja, Kroacia, Italia, Holanda, Danimarka, Portugalia, Belgjika, Hungaria, Zvicra, Gjermania, Polonia dhe Franca.
Kombëtarja e Shqipërisë gjendet në vazon e tretë të Ligës B së bashku me Slloveninë, Republikën e Irlandës dhe Malin e Zi.
Faza e grupeve e Ligës së Kombeve do të luhet nga 5 shtatori deri më 19 nëntor 2024, faza e eliminimit nga 20 deri më 25 mars dhe finalja nga 4 deri më 8 qershor 2025 me një ndryshim të madh.
Deri më tani në turneun final shkonin vetëm fituesit e grupeve të ligës A dhe nga ky sezon luhet faza me eliminim direkt në të cilën shkojnë dy skuadrat e para nga secili grup.
