Mikel Arteta beson se Arsenali duhet të jetë ndër skuadrat që përfliten për transferimin e Kylian Mbappes.
Mbappe ka qenë në qendër të një lufte mes Real Madridit dhe Paris Saint-Germain tash e disa vite, luftë kjo e cila pritet të përfundojë në fund të këtij sezoni.
Real Madridi pritet që ta transferojë Mbappen, pasi që ky i fundit e njoftoi PSG se ai do të largohet kur t’i përfundojë kontrata. Po ashtu, thuhet që Mbappe është i gatshëm të ul kërkesat e tij financiare. Kjo gjë nuk i ka ndalur spekulimet që po e lidhin sulmuesin me një lëvizje te Arsenali dhe Liverpooli.
Duke folur para ndeshjes me Burnleyn, Arteta zgjodhi të flas për çështjen e Mbappes, dhe tregoi destinacionin e mundshëm të yllit francez.
“Kur ka një lojtar të atij kalibri ne duhet gjithmonë të jemi në atë bisedë. Por siç e thatë edhe ju, duket se ai po shkon në një tjetër rrugë”, tha Arteta.
