Nga një revoltë e caktuar ndaj Federatës Turke të Futbollit, Fenerbahçe vendosi që ndeshjen e finales së Superkupës kundër Gatasaray të mos e luante me ekipin e parë, por me U19..
Takimi është caktuar për të dielën në orën 20:30, ndërsa mediat turke flasin për skenarët e mundshëm të përgatitur nga Fenerbahçe që në orët e mëngjesit.
“Nuk do të jetë një ndeshje 90-minutëshe”, tha nënkryetari i Fenerbahçes, Erol Bilecik, duke ndezur flakën. Mediat turke tani prezantojnë tre skenarë të mundshëm se çfarë planifikon të bëjë Fenerbahçe.
Skenari i parë është që nëntë fëmijët të Fenerbahçes të hyjnë në fushë, pas së cilës tre lojtarë do të largohen nga ndeshja njëri pas tjetrit ose në të njëjtën kohë. Skuadra do të qëndrojë në fushë me më pak se shtatë lojtarë dhe gjyqtari do të duhet të ndërpresë ndeshjen.
Një tjetër skenar është që të rinjtë do të provokojnë qëllimisht arbitrin, duke duartrokitur apo e kontestuar. Ata do të fillonin të merrnin kartona për shkak të protestave të shpeshta dhe në këtë mënyrë do të ishte e pamundur të vazhdonin ndeshjen.
Opsioni i tretë do të ishte që fëmijët e Fenerbahçes të futeshin në fushë dhe të largoheshin nga loja menjëherë pas fillimit të ndeshjes, duke humbur ndeshjen me rezultatin zyrtar 3:0.
