Arrigo Sacchi komentoi kampionatin italian, Interin kryesues, një hap larg trengjyrëshit, por këtë e bën duke analizuar edhe kushtet ekonomike të klubeve:
“Ka një tendencë për të arritur qëllimin duke qenë të zgjuar. Duhet të dalim nga kjo situatë, përndryshe do të mbetemi gjithmonë në këtë gjendje krize. Të fitosh duke paguar borxhet do të thotë të mashtrosh. A po mashtron Interi? Po”.
Këto janë fjalët e tij të raportuara nga “Corriere Adriatico”, me rastin e prezantimit të librit të tij “Realisti vizionar”. Sacchi foli edhe për trajnerin aktual të Italisë e më gjerë: “Spalletti është si unë, mund të bëjë mirë. E shoh shumë veten tek ai, por nuk është i vetmi. Vlerësoj Sarrin, Gasperinin, Italianon dhe Piolin”.
Duke iu rikthyer të folurit për Interin, Sacchi shtoi: “Inzaghi është gati të fitojë titullin, ka evoluar si trajner. Sidoqoftë, në Champions League, kundër Atletico Madridit bëri një gabim. Skuadrat spanjolle duhet të sulmohen, Interi i tij u mbrojt shumë. Zikaltrit do të rriten, kanë marrë rrugën e duhur”.
