Java e 27-t e Ligës së Parë të Maqedonisë për ekipin e Shkupit do të nis të shtunën, kjo për shkak se të mërkurën e ardhshme luajnë ndeshjen e kthimit të gjysmëfinales së Kupës së Maqedonisë.
"Ekipi ynë këtë të shtune është nikoqir i Makedonija Gjorçe Petrov.
Futbollistët gjatë javës kanë zhvilluar përgatitje intensive, që duelin e radhës të jenë në formën më të mirë të mundshme.
Për ndeshjen në fjalë ka folur mbrojtësi Kristijan Toshevski, i cili mes tjerash ka thënë se është koha që ti kthehen fitores", njofton FC Shkupi.
“Na pret një ndeshje e vështirë. Sigurisht që kemi respekt për ekipin e Makedonija Gjorçe Petrov, por në besojmë në kualitetet tona.
Ndoshta jemi në një krizë të vogël, pasi që nuk kemi fitore në dy ndeshjet e fundit, por mendoj se në moment të mirë na vjen në Çair ekipi i Makedonija Gj.P, që të kthehemi në rrugën e fitoreve dhe të vazhdojmë garën për titullin”, është shprehur Toshevski.
Në pesë përballjet e fundit të garave në kampionat me Makedonija Gj.P, kemi tri fitore dhe dy barazime.
Dueli i të shtunës në mes Shkupit dhe Makedonija Gj.P luhet në stadiumin e Çairit me fillim nga ora 15:00, ndërsa arbitër kryesor i kësaj përballjeje është Benjamin Kerimi nga Shkupi.
