Jonathan David ka rënë dakord të bashkohet me Napolin në verë, duke i lejuar ata të bëjnë një hap përpara në garën me Milanin dhe klubet e interesuara të Premier League për sulmuesin e Lille.
Sulmuesi 24-vjeçar kanadez ka pak më shumë se një vit nga kontrata e tij me skuadrën e Ligue 1 dhe pritet të shitet në verë, i etur për një aventurë të re pas katër vitesh në Francë.
Javën e kaluar, përfaqësuesi i tij u takua me drejtorin e ardhshëm sportiv të Napolit, Giovanni Manna.
David ka tërhequr vëmendjen e Napolit, me ish-kampionët e Serisë A që duket se kanë lënë mbrapa konkurrencën e Milani-t, me kuqezinjtë që e ndjekin prej shumë kohësh sulmuesin.
Objektivat e tjerë të kuqezinjve përfshijnë Benjamin Sesko dhe Joshua Zirkzee.
Siç raportohet nga Daniele Longo i Calciomercato.com, David ka rënë dakord për një kontratë pesëvjeçare me Napolin me vlerë rreth 3 milionë euro neto në sezon pas takimit të tyre të fundit.
Duhet të arrihet ende një marrëveshje me Lille, që kërkon rreth 45 milionë euro, 10 milionë euro më shumë se oferta aktuale e Napoli-t.
