Shkëndija nga Tetova, kampion në fuqi, gaboi para shikuesve të vet, duke pësuar humbje të papritur me rezultat minimal 1:0 nga Akademia Pandev, në ndeshjen e javës së 17-të të Kampionatit të Maqedonisë. Futbollistët kuqezi me gjithë angazhimin e madh, nuk ndalën një pikë në vatër të tyre, duke lejuar Vardarin që t’i afrohet me pikë. Në minutën e 26-të, Krstovski shënoi dhe ka qenë fatal për Shkëndijen. Tetovarët udhëheqin renditjen me 37 pikë, tri më shumë Vardari në pozitën e dytë dhe A. Pandev është në vend të tretë me 29 sish.
Në derbin shqiptar që u luajt mes Shkupit dhe Renovës nga Xhepçishti të Tetovës, përfundoi pa fitues, 1:1. Lojë mjaft e mirë dhe pikë e madhe për Renovën. Në minutën e 28-të, Bashkim Velija kaloi në avantazh Renovën, por Kristijan Stojkoski në minutën e 68-të shënon dhe eviton humbjen e shkupjanëve. Renova renditet në vend të pestë em21 pikë, ka një më shumë se Shkupi që është një pozitë me poshtë.
Liga e Maqedonisë
Bellasica-Rabotniçki 1:2
Makedonija GP-Sileksi 1:1
Shkëndija-A. Pandev 0:1
Shkupi-Renova 1:1
Vardari-Pobeda 3:0
Tabela
1. Shkëndija 17 11 4 2 37
2. Vardari 17 10 4 3 34
3. Akademija Pandev 17 9 2 6 29
4. Rabotniçki 17 8 2 7 26
5. Renova 17 5 6 6 21
6. Shkupi 17 5 5 7 20
7. Makedonija GP 17 4 6 7 18
8. Pobeda 17 5 2 10 17
9. Bellasica 17 4 5 8 17
10. Sileks 17 3 6 8 15
