Federata e Minigolfit e Kosovës ka shënuar aktivitetin e parë zyrtar për vitin 2020 duke u paraqitur zyrtarisht në garën e Lytomisl Open 2020 në Republikën e Çekisë me dyshen e lojtarëve unik Leo Keka dhe Agim Keka të cilët njëherazi janë Babë e bir.
Lojtarët tanë kanë pasur paraqitje të mirë, sidomos duke pasur parasysh rrethanat e pandemisë.
Federata e Minigolfit synon t'i arrij së paku 15 aktivitete edhe për vitin 2020 duke filluar së shpejti me garat kombëtare por edhe duke marrë pjesë në garat e ardhshme në Çeki, si dhe në Republikën e Shqipërisë!
Federata e Minigolfit të Kosovës falënderon Ministrinë e Kulturës, Rinisë dhe të Sportit të Kosovës për përkrahje!