Djali i Tiger Woods duket se do të ndjekë gjurmët e babait të tij, duke u bërë një sportist i madh i golfit. Charlie Woods, në moshën 11-vjeçare, ka fituar turneun e tij të parë të golfit, në Florida, turne ku ka qenë i pranishëm edhe babai i tij, një legjendë e këtij sporti, shkruan telesport.
Në disa foto që vetë Tiger Woods ka postuar në rrjetet sociale bën edhe ndihmësin e djalit të tij në fushën e lojës, duke mbajtur në shpinë shkopinjtë e golfit, teksa shkon nga njëri raund në tjetrin.
Tiger Woods mban canten e lojes se djalit
“Po mëson të kuptojë se si luhet ky sport. Jam i kënaqur, pasi bën pyetjet e duhura për të mësuar më shumë”, tha Tiger Woods 44-vjeç, që komplimenton djalin e tij: “Do të doja që edhe unë të kisha lëvizjet e tij”.
Tiger Woods ka dy djem nga martesa me Elin Nordegren: Charlie dhe Sam. Çifti është divorcuar në vitin 2010.