Këshilla si të ndaloni dhimbjen e kokës ndërsa jeni para kompjuterit

Këshilla mjekësore

Këshilla si të ndaloni dhimbjen e kokës ndërsa jeni para kompjuterit

Më: 26 shkurt 2021 Në ora: 17:23
Foto ilustrim

Pavarësisht nëse punoni nga shtëpia apo në punë, dhimbjet e kokës janë gjithmonë të pranishme. Ka shumë faktorë që ndikojnë dhe për ju që nuk e dini mund të jetë edhe e trashëguar. Kjo do të thotë që nëse njëri nga prindërit tuaj vuan nga dhimbje të rregullta koke, ju mund të keni një shans 50% më të madh për t’i marrë ato gjithashtu.

Gjithsesi, me poshtë ne ju kemi sjellë disa këshilla të vlefshme sesi ta ndaloni dhimbjen e kokës, ndërsa jeni para kompjuterit.

1. Ulni dritat

Dritat dhe ndriçimi i madh mund të shkaktojnë dhimbje koke. Që ju ta shmangni këtë, ose fikni dritat ose tërhiqeni perdet në dritaren tuaj. Nëse nuk mund ta bëni këtë, përdorni syze dielli.

2. Shmangni aromat e forta

Aromat, produktet e pastrimit ose parfumi i fortë i kolegëve mund të shkaktojë dhimbje koke. Për ta kapërcyer këtë, hapni dritaret për disa minuta që ambienti të ajroset.

3. Hidratohuni dhe mos kaloni vaktet

Kur jeni të dehidratuar, për shkak të humbjes së lëngjeve, trupi juaj mund të tkurret, duke çuar në dhimbje koke. Për të ndaluar këtë , pini disa gllënjka uji dhe mos harroni të konsumoni vaktet. Nëse jeni në lëvizje, gjithmonë mbani ujë me vete.

4. Mos hani çamçakëz

Çuditërisht, çamçakëzi dhe karamelet me ngjyrë janë shkak i dhimbjes tuaj të kokës. Çamçakëzi shkakton tension të nofullës dhe presion në nyjen tuaj më të përdorur. Gjëja më e mirë për të bërë është të heqësh çamçakëzin, si dhe çdo ushqim tjetër ngjitës dhe të përtypshëm.

5. Lëshoni flokët

Nëse i keni flokët e kapura ngushtë, mund të keni dhimbje koke. Lërini flokët e lëshuara dhe lejoni që lëkura e kokës të relaksohet. Dhimbja juaj e kokës do të zhduket menjëherë.

6. Hani pak xhenxhefil ose pini çaj xhenxhefili

Xhenxhefili është i njohur për lehtësimin e dhimbjeve. Mund ta konsumoni të freskët ose si çaj. Nëse jeni në zyrë, me e lehtë është të pini një çaj.

7. Sigurohuni të jeni ulur në pozicion të përshtatshëm

Kur uleni para kompjuterit tuaj, sigurohuni të të jeni ulur në mënyrë të përshtatshme. Mundoheni të rrini drejt, ta keni shpinën e mbështetur, krahët paralel dhe këmbët në tokë. Mundohuni të lëvizni ekranin tuaj në një mënyrë që sytë tuaj të shikojnë drejt, jo poshtë.

8. Bëni ushtime frymëmarrjeje

Ekzistojnë disa ushtrime të frymëmarrjes që mund t’i përdorni edhe kur jeni ulur në tryezën tuaj të punës. Mbyllni sytë dhe vendosni një muzikë relaksuese. Zëvendësoni frymëmarrjet tuaja të shpejta me ato më të ngadalta. Numëroni deri në 5 ndërsa merrni frymë, pastaj ngadalë numëroni deri në 5 ndërsa nxirrni frymën. Ju do të vini re sesi trupi juaj relaksohet dhe dhimbja e kokës mund të të largohet.

9. Mos hani djathin

Produktet e djathit përmbajnë tyraminë, një substancë natyrale që shkakton dhimbje koke. Zgjidhni djathë soje ose gjizë mbi djathërat e tjerë. Këto janë më të ulëta në tyraminë dhe do të zvogëlojnë dhimbjes së kokës.

10. Vendosni një kompresë të nxehtë ose të ftohtë

Kur të jeni në zyrë, improvizoni. Përdorni një qese akulli nga frigoriferi i kompanisë dhe vendoseni në ballë. Kjo do të sigurojë një lehtësim të menjëhershëm të dhimbjes së kokës. Nëse kompresa e ftohtë nuk funksionon, provoni një të nxehtë duke lagur një letër kuzhine me pak ujë të nxehtë çezme.

11. Bëni një sy gjumë 15 minutësh

Në një studim të vogël mjekësor, 81% e pjesëmarrësve raportuan se fjetja gjumë ishte strategjia më efektive për lehtësimin e dhimbjeve. Kur asgjë tjetër nuk funksionon, përpiquni të bëni një sy gjumë 15 minutësh.

Shfaq komentet
comments powered by Disqus
Sot mund të lexoni Shfletoni kopertinat