janë bërë më shumë se një vit që kur qeveria e Ramush Haradinajt ka nisur punën.
E në planin e kësaj qeverie, po thuaj se vendin më të rëndësishëm e kishte zënë sundimi i ligjit.
Si pjesë e kësaj, po në këtë plan ishte paraparë edhe një proces i Vettingut në sistemin e drejtësisë e sigurisë.
Por, qeveria duket se e ka harruar këtë pjesë të programit të saj.
Tani qëndrimi zyrtar i tyre është se nuk ka nevojë që të ketë një proces verifikimi në Kosovë.
Por, mendim krejt tjetër kanë monitoruesit e sistemit të drejtësisë.
Ehat Miftaraj, nga IKD thotë se përmes këtyre formave politika po ndërhynë në sistemin e drejtësisë.
Bile për Miftrajn, një proces i tillë i Vettingut është i domosdoshëm.
Përkundër kësaj, Ministri i Drejtësisë, insiston se pastrimi i sistemi të drejtësisë mund të bëhet edhe përmes formave të tjera.
Ndërsa, edhe pse e kishte shkruar në plan qeverisës Vettingun për gjyqtarë e prokuror, Ramush Haradinaj kohë më parë kishte deklaruar se Kosova e ka kryer këtë proces kohë më parë dhe nuk ka nevojë që të kthej kokën mbrapa
Por, mendim të ndryshëm ka partneri i tij i koalicionit Kadri Veseli.
Kryetari i Kuvendit, ishte iniciuesi i idesë që në Kosovë duhet të ketë një proces Vettingu. Por që nuk kishte dhënë afat se kurë do të ndodhte një gjë e tillë.
Ndryshe, në vitin 2009 Kosova kishte kryer procesin e vettingu, ku në proces verifikimi u patën diskualifikuar rreth 45 gjyqtarë e prokuror.
