Sot familja e të aksidentuares, Taunita Hoxha, e cila para disa muajsh është goditur nga kamioneta në rrugën “Haxhi Zeka” në Prishtinë ka falur gjakun familjes Haxholli.
Si pasojë e aksidentit ajo ka humbur foshnjen.
Trajtimi i saj është bërë në Turqi pasi që ajo ishte në gjendje të rëndë.
Pas operimit është kthyer në Kosovë.
Ky pajtim është arritur me ndërmjetësimin e hoxhallarëve të Dardanisë në Prishtinë, Marec dhe Hajvali, Remzi Haziti, Ali Llapashtica dhe Xheladin Fazliu.
Me rastin e ndërmjetësimin familja,babai i Taunitës, Nuhi Hoxha dhe burri Laurent Gashi e kanë falur familjen Haxholli për aksidentin e rëndë dhe humbjen e foshnjes.
Kujtojmë se Taunita Hoxha ishte shtatëzënë në kohën e aksidentit.
Rastin e ka konfirmuar Mexhide Hoxha e cila është halla e të aksidentuarës Taunita Hoxha.
