Në Komunën e Suharekës u nënshkrua marrëveshja për projektin “Ndërtimi i shtegut të ecjes në Suharekë dhe 10 parqeve në fshatrat e kësaj komune”.
Lajmi u bë i ditur nga një postim i kryetarit të kësaj komune, Bali Muharremaj në Facebook.
“Sapo nënshkruam marrëveshjen e bashkëfinancimit me Ministren e MAPL-së Emilija Rexhepi, për shumën 274,174.10 euro, të cilat ndahen për projektin ‘Ndërtimi i shtegut të ecjes në Suharekë dhe 10 parqeve në fshatrat e Komunës së Suharekës'”, tha Muharremaj.
Ai bëri të ditur se shtegu do të jetë 2.3 km i gjatë dhe do t’u shërbej qytetarëve.
“Ky projekt mbështetet nga skema e grantit për performancë komunale, të cilën e mbështet DEMOS dhe Ministria e Administrimit dhe Pushtetit Lokal. Angazhimi ynë është serioz në ndërtimin e vendit në të ardhmen”, ka shkruar Muharremaj.
