Kamenica sot konfirmoi edhe tri raste të reja me koronavirus, prej tyre një është nga Rogana, një nga Koretini dhe një nga Muqiverci.
Kryetari i kësaj komune, Qëndron Kastrati, përmes një postimi në Facebook, tha se numri i përgjithshëm i të infektuarve ka arritur në 47, ndërsa 6 raste janë aktive.
“Numri i përgjithshëm i të identifikuarve me virusin SARS-CoV-2 ka arritur në 47, kurse kemi akoma edhe gjashtë (6) raste të tjera aktive. Jini të kujdesshëm në raport me respektimin e udhëzimeve, sepse vetëm në këtë mënyrë e parandaloni shpërndarjen e virusit Korona”, ka shkruar Kastrati.
