Në Klinë sot kanë filluar punimet për ndërtimin e stacionit të autobusëve, që do të ndërtohen në ish-lokacionin e tregut të gjelbërit.
Në fillimin e punimeve kanë qenë të pranishëm kryetari Komunës, Prof. Dr. Zenun Elezaj, bashkë me nënkryetarin e komunës, z. Besim Hoti, drejtorin e Urbanizmit dhe Mbrojtjes së Mjedisit, z. Lorenc Marleku, dhe komandantin e stacionit të policisë në Klinë, toger Ragip Bytyqi.
Me këtë rast, kryetari Elezaj theksoi se projekti i ndërtimit të stacionit të autobusëve, i pritur për një kohë të gjatë nga qytetarët, po fillon të realizohet.
Shtoi se për realizimin e këtij projekti buxheti ishte ndarë më herët, por për shkak të miratimit të hartave zonale është vonuar edhe fillimi i ndërtimit.
