Kryetari aktual i Podujevës që synon edhe një mandat, Shpejtim Bulliqi, ka shpalosur programin qeverisës të zgjedhjeve të 17 tetorit.
Bulliqi në Edicionin Zgjedhor ka treguar në pika të shkurtra disa nga pikat e këtij programi.
“Ekspertët tanë kanë hartuar një planprogram të punës për mandatin katërvjeçar i cili mbështetet në fushat kryesore të qeverisjes lokale – duke filluar nga arsimi ku planifikohet të bëhet dixhitalizimi i të gjitha institucioneve shkollore, zhvillimi i kabineteve dhe laboratorëve nëpër shkolla, ndërtimi i dy sallave të edukatës fizike, renovimi dhe mirëmbajtja e të gjitha objekteve shkollore, rritja e cilësisë përmes trajnimeve për mësimdhënës dhe monitorimi i vazhdueshëm i procesit mësimor”.
“Te urbanizmi, qyteti do të ndërtohet në bazë të planit urbanistik të aprovuar. Do të bëjmë ndërtimin e rrugës “Skënderbeu” dhe “Xhemajl Mustafa” , ndërtimi i rrugës përgjatë lumit Llap deri tek magjistralja Besi – Podujevë”.
“Te shëndetësia – planifikojmë ndërtimimin e mjekësisë urgjente në pjesën periferike të qytetit të Podujevës. Pastaj qendrat e mjekësisë familjare do të furnizohen me të gjitha barnat e nevojshme esenciale, por edhe me aparaturë të nevojshme. Do të subvencionohen bujqit tanë në të gjitha shtyllat – tek zhvillimi ekonomik është ndërtimi i zonës industriale në periferi të qytetit të Podujevës themelimi dhe funksionalizimi i ndërmarrjeve publike për të kryer funksionet e shërbimeve publike dhe investimet dhe mbështetjet te turizmi malor”.
Tutje Bulliqi ka thënë që planprogramin më të mirë nga të gjithë kundërkandidatët e tij e kanë vetë Lëvizja Vetëvendosje.
“Ne e kemi hartuar programin tonë dhe jemi vazhdimësi e punëve dhe projekteve që po i realizojmë në të gjitha fushat e nevojshme. Deri më tash kemi bërë punë të mirë në shëndetësi – është bërë një reformim relativisht i mirë si në aspektin e mbarëvajtjes së orarit dhe në aspektin e avancimit të shërbimeve për qytetarë duke i funksionalizuar në dy ndërrime shërbimet laboratorike por edhe shërbimin në shtëpi që është i nevojshëm për qytetarët tanë’.
“Programi më i mirë është ai program i cili e ka vazhdimësinë dhe ky programi i VV-së i cili e ka vazhdimësinë e punës e cila po bëhet. Shpresojmë që këtë program nga data 17 nëntor do të vazhdojmë ta jetësojmë”.
Kandidati për kryetar të Podujevës tha që qendrore është e nevojshme për qytetin e Podujevës.
“Domosdoshmërisht ngrohja qendrore është e nevojshme për qytetin e Podujevës, por ne para së gjithash duhet të kemi një burim energjie të cilin fatkeqësisht nuk e kemi. Ngrohja qendore me pelet nuk mund të funksionojë – pasi është një kapacitet shumë i madh”, u shpreh tutje ai.
