Kryetari i Aleancës për Ardhmërinë e Kosovës, Ramush Haradinaj përmes një video deklarate, i është drejtuar qytetarëve të Malishevës për zgjedhjet e 17 tetorit.
Ai e cilësoi si fat të madh njohjen me qytetarët e Malishevës në ditët më të vështira.
‘’Përjetë do t’ju jem mirënjohës për kontributin tuaj në luftën për liri’’, tha ai.
Kreu i Aleancës për Ardhmërinë e Kosovës e ka cilësuar kandidatin për kryetar të Malishevës, Kastriot Berishën, si udhëheqës të dëshmuar dhe sipërmarrës i zoti.
‘’Jeta jonë po vazhdon, tash është koha e zhvillimit, tash jemi me brezin tjetër, me djalin e Hamdiut, Kastriotin, një udhëheqës i dëshmuar, sipërmarrës i zoti, kandidati ynë për kryetar të Malishevës. Kemi dhe një program të mire që e kanë punuar me kujdes një listë të asamblistëve të zotë”, përfundon Haradinaj.
