Deputeti i Lidhjes Demokratike të Kosovës, Avdullah Hoti ka reaguar ndaj planifikimit buxhetor për vitin 2023.
Përmes një postimi në Facebook, Hoti thotë se ura mbi Drinin e Bardhë në Rogovë të Hasit, që u dëmtua nga vërshimet e janarit 2021 nuk ka marrë asnjë intervenim për dy vite.
“Tash për këtë urë këta planifikojnë: 400 mijë euro për vitin 2023, 600 mijë euro për vitin 2024 dhe 500 mijë euro për vitin 2025.
Me këtë ritëm, ndoshta kjo urë ndërtohet në vitin 2026. Deri atëherë, në dorë të Zotit janë ata që kalojnë urën”, shkroi Hoti.
