Kuvendi i Republikës së Kosovës ditë më parë votoi dhe miratoi njëzëri përkufizimin e përdorshëm të anti-Semitizmit të përcaktuar nga Aleanca Ndërkombëtare për Përkujtimin e Holokaustit (IHRA).
E për këtë Qendra për Ndikimin Hebre (CJI) e cila shërben si një pikë qendrore për iniciativat inovative dhe për Izraelin dhe për hebrenjtë botërorë, ka uruar Kuvendin e Kosovës për miratimin unanimisht të IHRA.
“Urime Kuvendit të Kosovës për miratimin unanimisht të IHRA, definicion funksional i antisemitizmit! Kjo arritje e rëndësishme ilustron angazhimin tonë të përbashkët për të luftuar antisemitizmin, urrejtjen dhe paragjykimin. Ai forcon marrëdhënien e fortë që kemi me Kosovën dhe nënkupton një hap vendimtar drejt adresimit efektiv të këtyre çështjeve. Së bashku, ne do të vazhdojmë të punojmë drejt një bote që mbështet tolerancën dhe respektin”, ka shkruar Qendra për Ndikimin Hebre (CJI).
Urimi është bërë në rrjetin social Twitter.
