Vetëm gjatë vitit të kaluar, 30 këmbësorë humbën jetën si pasojë e aksidenteve në trafik. Rasti i fundit që ndodhi në Prishtinë, ka bërë që policia t’i shtojë masat e sigurisë në rrug
Në Prishtinë, nga një aksident trafiku, humbi jetën një këmbësor 26 vjeçar nga Deçani. Si pasojë e këtij aksidenti, lëndime të rënda trupore ka pësuar këmbësori i cili nuk ka arritur të përballojë plagët dhe i njëjti ka ndërruar jetë. Në lidhje me rastin Policia ka nisur një hetim për zbardhjen e rrethanave që kanë quar deri të ky aksident.
Mosrespektimi sa duhet i rregullave në trafik, bën që edhe këmbësorët të rrezikohen.
Nol Dedaj, ekspert i komunikacionit, tha për RTK se këmbësorët janë pjesa më e ndjeshme e shoqërisë të cilët nuk kanë mbrojtje dhe kanë një rrezikshmëri të lartë.
“Duke pasur parasysh sjelljen e drejtuesve të automjeteve që nuk i japin përparësi edhe niveli pastaj është prezent, këmbësori ka të drejtë me bë kalimin e rrugës edhe mbi 100 metra ku nuk ka vendkalim për këmbësorët”, tha ai.
Eksperti i trafikut rikujton se ngasësit kanë edhe patentë shoferë, andaj duhet të kenë më shumë kujdes.
"Për shoferet këshilla është të kenë kujdes ndaj këmbësorëve pasi drejtuesit e automjetit e kanë një patentë shofer, kurse këmbësorët nuk kanë njohuri si me kalu rrugën. Prandaj i bie përgjegjësia ndaj drejtuesve të automjetit të kenë një kujdes më të shtuar në raport me këmbësorët”, tha ai.
Sipas policisë, në nivel vendi janë realizuar 804 pika kontrolli të automjeteve, përderisa 34 shoferëve u janë konfiskuar patentë shoferët për shkelje të ndryshme të rregullave në trafik. Vetëm në 24 orët e fundit në Kosovë janë shkaktuar 50 aksidente e gjatë vitit 2023, 30 këmbësorë humbën jetën në aksidente trafiku.
