Një konkurs për 70 vende pune në Burgun e Sigurisë së Lartë në Dyz, ka bërë që mijëra veta të aplikojnë.
Këtë e ka konfirmuar edhe Drejtori i Shërbimit Korrektues, Sokol Zogaj.
Në këtë burg me kapacitetet prej 300 qelish, për momentin janë duke e vuajtur dënimin 147 të burgosur, që të gjithë njerëz me rrezikshmëri të lartë.
E përzgjedhja e personelit shtesë për ruajtjen e këtyre të dënuarve, sipas drejtorit Zogaj, do të zgjas më gjatë se parashihej, për shkak të numrit të madh të kandidatëve.