Ministri i Infrastrukturës, Pal Lekaj, sot ka nënshkruar udhëzimin administrativ për ndryshim dhe plotësim të udhëzimit administrativ për mbajtjen e trajnimeve dhe seminareve në fushën e patentë shoferit.
Plotësimet dhe ndryshimet e bëra kanë për qëllim përmirësimin dhe lehtësimin e procedurave për aftësimin e ligjëruesve profesional në fushën e patentë shoferit.
Një nga ndryshimet është kohëzgjatja e dhënies së autorizimit për subjektin, i cili tani është 5 vjet.
Gjithashtu sigurohet cilësia e programeve për seminaret e nevojshme të cilat duhet të akreditohen nga organi kompetent, Agjencia e Kosovës për Akreditim, thuhet në komunikatë për media të Ministrisë për Infrastrukturë.
