Digjen pyetjet në Podujevë dhe Lipjan - Bota Sot
Digjen pyetjet në Podujevë dhe Lipjan

Kronikë e zezë

Digjen pyetjet në Podujevë dhe Lipjan

Më: 9 mars 2019 Në ora: 12:35
Foto ilustrim

Tri raste të djegieve të pyjeve kanë ndodhur në Lipjan dhe Podujeve brenda 24 orëve të fundit.

Sipas Policisë, roja e pyetjeve ka njoftuar se në fshatin Krojmir të Lipjanit, persona të pa njohur i kanë vënë zjarrin pyllit, pronë shoqërore në një sipërfaqe prej dy hektarëve.

Rastit iu kanë përgjigjur njësitet relevante policore, kurse, njësiti i zjarrfikëseve ka lokalizuar dhe shuar zjarrin.

Nuk raportohet për të lënduar po ashtu nuk dihet vlera e dëmit. Është iniciuar rasti dhe mbetet nën hetime.

Kurse, në fshatin Popovë të Podujevës, raportohet se nga të dyshuar të pa njohur i është vënë zjarri fushave të lira dhe pyjeve.

Njësitet relevante policore, si dhe njësiti i zjarrfikëseve kanë lokalizuar zjarrin. Gjithashtu për shkak të përhapjes së zjarrit në disa vatra zjarri janë aktivizuar edhe shtabi i shërbimeve emergjente në nivel të komunës, si dhe FSK-ja. 

Për momentin nuk mund të përcaktohet se sa hektar me pyje i ka dëmtuar zjarri dhe sa është vlera e dëmit të shkaktuar, pasi ende zjarret ende janë aktive.

Është iniciuar rasti dhe mbetet nën hetime.

Po në Podujevë, konkretisht në fshatin Reqicë, zyrtari në ekonomin e pyjeve, ka njoftuar se është përfshi nga zjarri një sipërfaqe prej 20 hektarësh e pyllëzuar me pisha.

Rastit iu kanë përgjigjur njësitet relevante policore, si dhe njësiti i zjarrfikëseve të cilët kanë lokalizuar  zjarrin.

Pos dëmeve materiale nuk raportohet për të lënduar dhe të arrestuar. Me vendimin e prokurorit, iniciohet rasti dhe mbetet nën hetime.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...