Një rrahje ka ndodhur sonte në qendër të Prishtinës, në të cilën ka intervenuar edhe Policia e Kosovës.
Zëdhënësi i Policisë së Kosovës për rajonin e Prishtinës ka thënë se në këtë rrahje ka intervenuar një polic civil, e më pas edhe ata me uniformë.
“Ka qenë një rrahje, një polic në rroba civile ka intervenuar, e më pas kanë asistuar edhe policë në uniformë, dhe kanë shoqëruar tre të dyshuar në Stacionin Policor Qendra”, ka thënë ai.
Rasti ka ndodhur tek Pallati i Rinisë.
Kujtojmë se para pak orësh si pasojë e një rrahjeje që ka ndodhur tek shkallët e nënkalimit, një person ka ndërruar jetë.
