Drejtoria Rajonale e Policisë në Gjakovë, më saktë Stacioni policor në Malishevë, në kuadër të angazhimeve të vazhdueshme në parandalimin e dukurive negative dhe realizimit të objektivave policore për krijimin e një ambienti sa më të sigurt për qytetarët, ka përpiluar një plan operativ dhe në koordinim me Prokurorinë Themelore-Gjakovë ka siguruar urdhërkontrollin e lëshuar nga Gjykata Themelore në Gjakovë.
Sot më 07.02.2020 mbështetur edhe nga Njësia për Reagim të Shpejtë, ka kryer kontroll (bastisje) të objekteve të banimit dhe objekteve të tjera përcjellëse në dy lokacione të ndryshme në territorin e Komunës së Malishevës.
Gjatë këtij operacioni policor janë arrestuar dy persona të dyshuar nën dyshimin se kanë kryer veprën penale ,,Vjedhje e Rëndë” e mbetur në Tentativë të ndodhur me datë 20.01.2020 në ora 02:40 në fshatin Kijevë ku dy persona të maskuar , kanë tentuar që të kryenin vjedhjen e të hollave në bankomatin e bankës TEB .
Gjate punëve operativo-hetimore hetuesit policor nga stacioni policor në Malishevë kanë mbledhë dëshmi lidhur me rastin si dhe gjatë kontrollit në cilësi të provave materiale janë gjetur dhe janë sekuestruar dëshmi te ndryshme.
Personat e arrestuar lidhur me këtë rast janë:
· M.M.- m /k/ sh - 29 vjeçar
· F.K.- m /k/ sh-29 vjeçar
Personat e arrestuar dyshohet që në bashkëveprim me forcë kanë depërtuar në brendinë e një dyqani tjetër dhe nga aty kanë arritur të kryejnë vjedhjen.
Policia në cilësi të provave materiale ka sekuestruar nga të dyshuarit:
Një automjet të tipit Renault Llugano
Dy maska
Dy palë dorëza
